Powiatowy Konkurs „Zdrowie po cieszyńsku”

W tegorocznej edycji Powiatowego Konkursu „Zdrowie po cieszyńsku” w kategorii baśń, bajka Paweł Krawczyk i Igor Legierski zdobyli 1,2 i 3 miejsce. Paweł został laureatem za tekst gwarowy „Przestroga przed cygaretlami” „Słów kilka o depresji”, zaś Igor za baśń „Choroba Czarka”. Ponadto Paweł otrzymał również wyróżnienie za grę edukacyjną. Wręczenie pamiątkowych dyplomów odbyło się 2 czerwca 2023r. w sali sesyjnej Starostwa Powiatowego w Cieszynie. Uczniowie otrzymali nagrody z rąk wicestarosty Janiny Żagan.

Przestroga przed cygaretlami

Dziecka ! Ta bojka to bydzie ostrzeżyni,

co by Wóm do głowy nie prziszło kurzyni.

Cygaretle sóm strasznie oszkliwe,

Trujóm, smerdzóm, sóm fest kłopotliwe.

Tyn nałóg wcióngnie Cie wartko,

jak zaczniesz, nie skończysz uż lehko.

Tóż wiycie, było to kansik w Cieszynie,

Przeszumnej, gościnnej beskidzkij dziedzinie.

Jedyn roz, oto tak, prziszły mi do głowy,

jak żech siedzioł w izbie, okropne pierdoły.

Mama w zogródce z kopaczkóm góniła,

a na mie w chałupie ani nie spozdrziła.

Wycióngłech z korzucha cygaretle starzikowi,

a jednego żech buchnył starymu chłopowi.

Jak to bydzie myślym se ?

Czy to dobre możne je ?

Dziwoł żech sie na Czantoryje, zapoliłech jednego,

A hned fest siwo w całej chałupie było łod niego.

Pocióngłech – „kurde bele” – myślołech, że wyziónym ducha,

dyszym, kuckóm, kurzi mi sie z kinola a z ucha.

Ganc ćma móm przed oczami,

Picho mie kansik nad płucami.

Naroz Starzik we dwiyrzach stanył, ogrómnie nasrany,

dziwo się na mie a ryczy:

„Dlo smiłowanio kany”

„Ty stary kurzoku,

schowej sie w kachloku,

aż Cie żodyn nie widzi,

matka sie tego brzidzi.”

Miała to być bojka, ale mi uwiyrzcie,

horror żech tam przeżył, przikładu nie biercie.

Wiyncyj tego nie chcym, bo to je pieróństwo,

wóm też nie polecóm rostomili  Państwo !

Miasto cygaretli weź patyk do rynki, pytki,

a idź se raczy zwiedzić cieszyński zabytki.

Uż Florian na rynku na Ciebie tam czako,

na kopcu Rotunda, też nie byle jako.

A do kapsów se natargej czosnek niedźwiedzi,

to Cie uż żodno nimoc, nigdy nie odwiedzi.

Za pinióndze na kurzyni darmo wyciepane,

bydziesz mioł całe Beskidy a Tatry pozwiedzane.

A kupisz se we Wiśle cały garniec kwaśnicy,

W Cieszynie stryki ze ziymioków z jónkowej piwnicy.

Cygaretle to je dycki oznaka słabości,

a mómy przeca dusić ty nasze ułómności.

Gdo w pazury tego nałogu wpadnie,

tyn długo nie pożyje a skończy fest marnie.

Żyj, gibej sie, nie kurz a dycki jydz zdrowo

uwidzisz, jako kole Ciebie bydzie kolorowo.

Lepszy czysty luft a szumne śpiywani ptoka,

jako siwy dym w izbie a kuckani kurzoka,

A niech tak bydzie do kóńca Twojigo żywobycio,

bo cygaretle to je świństwo a tela je do przeżycio!